Ақпараттық коммуникациялық технологиялар

«Ақпараттық коммуникациялық технологиялар» кафедрасы 2002ж.«Информатика» кафедрасы негізінде ашылды.

Әр түрлі жылдарда «Информатика» кафедрасын: ф.-м.ғ.к., доцент М.М.Медетбеков, п.ғ.к., доцент Ж.Д.Изтаев кафедра меңгерушісі қызметін атқарса, 2018ж. п.ғ.к., доцент Гүлзат Турысбекқызы Джусупбекова кафедраға жетекшілік етіп келеді.

Кафедра ұжымы

Кафедра доценті, ф.-м.ғ.к.  М.М.Медетбеков жас ұрпақты оқыту және тәрбиелеу ісіндегі елеулі табыстары үшін «Ы.АЛТЫНСАРИН» төсбелгісімен марапатталды.

М.М.Медетбековтың жетекшілігімен«Создание мультимедийных программ для обучения истории Казахстана по геоинформационной технологий» атты тақырыпта «Ғылыми зерттеулерді грантпен қаржыландыру» бағдарламасы бойынша зерттеу жұмысы орындалды (2015-2017ж).

«Ақпараттық-коммуникациялық технологиялар» пәнінің мақсаты студенттерді нақты объектілер мен үдерістердің ақпараттық модельдерін түрлендіру, құру, қолдану және талдау, сонымен қатар, басқа да оқу пәндерін оқыту үшін ақпараттық-коммуникациялық құралдарымен жұмыс істеу дағдыларымен, біліктерімен және базалық біліммен қамтамасыз ету. Бағдарлама студенттердің қоғамдағы ақпараттық үдерістердің рөлі, техникалық мүмкіндіктері мен адамзаттың түрлі қызмет саласында АКТ құралдарын пайдаланудың келешегі туралы түсініктерін қалыптастыруға бағытталған.

«АКТ» пәні студенттерді компьютермен жұмыс істеу барысында техникалық қауіпсіздік ережесін, ақпараттық іс-рекеттің құқықтық және этикалық нормаларын сақтауға жауапкершілікпен қарауға тәрбиелейді және жобамен жұмыс істеу барысында ұжымдық жұмысқа жұмылдыруға бағытталған.

«АКТ» пәнін оқыту барысында студенттер төмендегі дағдыларға ие болады:

-компьютер туралы ұғымдар, қазіргі заманауи технологиялар және олардың қоғам өміріндегі алатын рөлі туралы білу;

-ақпараттық-комуникациялық технологиялар құралдарын пайдалана отырып, ақпаратты іздеу, жинақтау, өндеу, сақтау және әртүрлі формаларда жіберуді іске асыру;

-әртүрлі программалық қосымшаларды пайдалана отырып, нақты жүйелер мен оқиғалардың моделін өндеу, талдау және түрлендіру, сонымен қатар өз ойларын іске асыру;

-пән бойынша түрлі тапсырмалар орындау арқылы өз логикалық, алгоритмдік, жүйелік және сын тұрғысынан ойлау қабілеттерін дамыту;

-бір-бірімен сөйлесу, ақпаратпен алмасу және өзара жұмыс істеу мақсатында АКТ құралдарын пайдалану;

                                                 “Ұстаз – ұлы тұлға” тақырыбында дөңгелек үстел өткізілді.
“Ақпараттық коммуникациялық технологиялар” кафедрасының оқытушысы Тастанбекова Б.О ұйымдастыруымен 01.10.2024ж. “Ұстаз – ұлы тұлға” тақырыбында дөңгелек үстел өткізілді. Іс шара барысында тақырыпқа байланысты баяндама оқыды. Кафедра оқытушысы ұстаздардың қоғам мен білім ордаларындағы алатын орнын білім алушыларға түсіндірді.Жер бетінде сан мыңдаған мамандық иелері бар, солардың ішінде ұстаздық мамандықтың шоқтығы бәрінен де биік екендігі даусыз.К. Д.Ушинский айтқандай, «Мұғалім-зор тұлға, ол күннің құдіретті сәулесі сияқты.» Ия, ұстаз болу кез келген адамның қолынан келе беретін кәсіп емес. Ол үшін адамда ең алдымен туа бітті қабілеті  болуы керек.Сондай-ақ терең білімімен қатар,мамандыққа деген сүйіспеншілігі әрі зор құрметі  де болуы шарт.Қазіргі уақытта жақсы мұғалім дайындау үшін жоғары оқу орындарындағы  оқытушылар білімгерлеріне барын беріп,өз пәндерінен терең білім мен оқыту әдістемесінен дәріс береді, яғни ,бір сөзбен айтқанда,өн бойында педагогикалық әдеп пен ұстаздық шеберлік тұнып тұрған жақсы  маман жасап шығару үшін жатпай-тұрмай еңбек етеді, маңдай терін төгеді.Мен осы бір мамандықты ерте көктемнен қыбырлай бастайтын,әр еккен өнімінен жеміс алу үшін күндіз-түні еңбек етіп жүретін бағбанның өміріне қатты елестетемін. Мұғалім де солай, ол әр шәкіртінен үлкен нәтиже күтеді. Ол өскелең ұрпаққа өз тарихы мен дәстүрін жеткізе отырып,қазіргі заман талаптарына сай  етіп тәрбиелейді, құндылықтарды бойына сіңіреді. Мұғалімнің бойында педагогикалық әдеп пен ұстаздық шеберлікті қалыптастыру үшін өмір бойы тер төгуіңе тура келеді.Осы тұста белгілі ақын,қоғам қайраткері М.Шахановтың «Бала жүрегі-кішкентай күйсандық, сол сандықтың кілтін тапсаң ғана ашылады. Әр ұстаздың қолында сол кілт үнемі жүру керек» -деген сөзі еріксіз есіңе оралады. Мұғалім сабағын дұрыс ұйымдастырып өту үшін оқытудың тиімді әдіс-тәсілдерін үздіксіз меңгеріп , өзінің алған теориялық білімін практикамен ұштастыра алса ғана еңбегінің нәтижесін көре бастайды.Ал осыдан соң мұғалімнің жұмысы қандай екенін біле беріңіз... «Инемен құдық қазғандай»  болған оның әр еңбегі асқан төзімділік пен шыдамдылықты қажет етеді.Бүгінгі мұғалім. Ол білім алушылардың ой-өрісін кеңейтумен қатар,олардың санасын да қалыптастыра алатын тұлға.Оның сабырлылығы ,әділдігі және жанашырлығы білім алушылардың өзіне деген сенімін қалыптастырып,шығармашылық қабілеттерін дамытатыны анық.Сондықтан да қай кезде де мұғалімнің мәртебесін арттырып отыру үшін қоғамның барлық салалары бірлесіп жұмыс істеуі керек  деп есептеймін.