Есептеу техникасы және бағдарламалық қамтамасыз ету

«Есептеу техникасы және бағдарламалық қамтамасыз ету» кафедрасының тарихы 1982 жылдан басталады: «Технологиялық үрдістерді автоматтандыру» кафедрасынан 1993 ж. «Автоматтандырылған басқару жүйелері» кафедрасы бөлініп шығып, «Есептеуіш техника мен автоматты жүйелендіруді бағдарламалық қамтамасыздандыру» мамандарды дайындауды бастады.

Кафедра 6B06130 - «Есептеу техникасы және бағдарламалық қамтамасыз ету» мамандығы бойынша бакалаврлар мен магистрлер дайындайды.

Қазіргі таңда кафедраны ф.-м.ғ.к., доцент Ахметова Сабира Тастановна басқарады. Кафедра құрамында 21 оқытушылар, оның ішінде 4 ғылым докторлары, профессорлар, 5 ғылым кандидаттары, доценттер, 12 магистрлерлер, аға оқытушылар мен оқытушылар жұмыс атқарады.

Кафедра жоғары оқу орындарымен, ғылыми орталықтармен, ғылыми-зерттеу институттарымен тығыз байланыста: Путра Малайзия Университеті (Малайзия),  Ақпараттық технологиялар, механика және оптика Санкт-Петербург ұлттық зерттеу университеті (Ресей),  Новосибирск мемлекеттік университеті (Ресей),  Бауман атындағы Мәскеу мемлекеттік техникалық университеті (Ресей), Нижегород мемлекеттік техникалық университеті (Ресей), Ташкент ақпараттық технологиялар университеті (Өзбекстан), Ресей ғылым акдемиясының Курнаков атындағы жалпы және неорганикалық химия институты (Ресей).

«Есептеу техникасы және бағдарламалық қамтамасыз ету» кафедрасының ұжымы.

т.ғ.к., доцент Даушеева Н.Н. лабораториялық сабақ өткізуде

Кафедрада соңғы үш жылдың ғылыми-зерттеу жұмыстарының нәтижелерінде 2 докторлық, 4 кандидаттық және 28 магистрлік диссертациялар қорғалып, өнертабысқа 7 патент және алдын-ала патенттер алынды.

Кафедраның ғылыми зерттеулерінің негізгі бағыттары келесі тақырыптармен байланысты:

1. Дисперсті жүйелерді агрегаттау және кластерлеу үшін кинетикалық теңдеулер жүйелерінің жуық аналитикалық шешімдерін алу әдістемесін жасау.

т.ғ.д, профессор Бренер А.М.

2. Өндірістік процестерді басқару алгоритмдері мен бағдарламаларын жасау

т.ғ.д., профессор Оспанова А.О.

3. Алгоритмдер құру және математикалық модельдеу есептерін шешу

т.ғ.д., профессор Сембиев О.З.

Кафедраның ПОҚ-ы келесі тақырыптарымен ҚР Білім және Ғылым министрлігінің Ғылым комитетінің ҒІЖ гранттық қаржыландыру  конкурстарына қатысты:

1.  «Үш фазалы гетерогенді жүйелер үшін жоғарғы тиімділікті каталитикалық реакторларды зерттеу және құрастыру», жетекшісі: т.ғ.д., профессор Ескендиров Ш.З.;
2.  «Қажетті маркаларды алу үшін полимерлерді шығарудың өндірістік процестерін басқару және модельдеу бағдарламалары мен алгоритмдерін құру», жетекшісі: т.ғ.д., профессор Оспанова А.О.;
3. «Полимеризациялаудың өндірістік процесстерін басқарудың ақпараттық жүйесін құру», жетекшісі: т.ғ.д., профессор Оспанова А.О.;
4. «Модельдеу және жылжымалы шекті жүйелерде реакциялы-диффузиялық процесстерді есептеу әдістері», жетекшісі: т.ғ.д., доцент Мусабекова Л.М.

Нәтижеде т.ғ.д., профессор Оспанова А.О. «Полимерлеу өнеркәсіптік процесін басқарудың ақпараттық жүйесін жасау» тақырыбы бойынша ғылыми-ізденіс жұмыстарын қаржыландыру грантын 30 млн.тенге соммасын жеңіп алды.

Оқу-әдістемелік жұмыстар   

Кафедра профессор-оқытушылары 16 оқулық және оқу құралдарын,15 электрондық оқулық, 4 виртуалды зертханалық жұмыс және 8 кейс даярлады.

Академиялық ұтқырлық

Халықаралық студенттермен алмасу бағдарламасына сәйкес, 6B06130 – ЕТжәнеБҚ мамандығына 3-ші курс студенттері М.Сабден, А.Мамбетова, Путра университетіне (Малайзия), Куйбаков Г. - Бухарест университетіне (Румыния), Ходжибергенова У.-Ақпараттық технологиялар және басқару университетіне (Польша) , Тимабай Ж. - Приморск университетіне (Словения) оқуға жіберілді.

"Есептеу техникасы және бағдарламалық қамтамасыз ету" кафедрасы білікті мамандарды даярлау 6В06130-"Есептеу техникасы және бағдарламалық қамтамасыз ету" және 6В06150-"Ақпараттық-коммуникациялық технологиялар және қауіпсіздік" білім беру бағдарламаларына сәйкес жүзеге асырылады.

Академиялық дәрежесі: Техника және технология бакалавры.

Оқу тілдері:Қазақша,орысша,ағылшынша.

Оқу формалары, оқу мерзімі: күндізгі, 4 жыл.

Маман біліктілігі: «Есептеу техникасы және бағдарламалық қамтамасыз ету» бакалавры және  «Ақпараттық-коммуникациялық технологиялар және қауіпсіздік​» бакалавры.