Жаңалықтар

2018 жылдың 10 қарашасында «Оңтүстік Қазақстан» облыстық қоғамдық - саяси газетінің №179-180 (20632) нөмерінде «Ақпараттық қоғам – ұлт келешегі» тақырыбында М.Әуезов атындағы ОҚМУ-дың «Ақпараттық коммуникациялық технологиялар» кафедрасының ұйымдастыруымен «Рухани жаңғыруда ақпараттық қоғамның дамуы» атты іс- шара өткізілгендігі туралы мақала жарық көрді. Мұндағы негізгі мақсат – жастарды рухани дүниесі бай, ұлтжанды азамат етіп тәрбиелеуге үлес қосу. Іс-шараға «АТ және Э» жоғары мектебінің кафедра меңгерушілері мен оқытушылары қатысты. Тақырыпқа байланысты баяндама оқылып, патриоттық әндер шырқалды. «Иә, ХХІ ғасыр ақпарат ғасыры болғандықтан адамзатқа компьютерлік сауаттылық өте қажет екені белгілі. Елбасымыз Н.Назарбаев өз Жолдауында «Қазіргі заманғы жастарға ақпараттық жаңа білім беру өте қажет» деп атап көрсеткендей, жас ұрпаққа білім беру жолында ақпараттық технологияны оқу процесінде қолданудың маңызы зор».