Автоматтандыру, телекоммуникация және басқару

«Автоматтандыру, телекоммуникация және басқару» кафедрасы

«Автоматтандыру, телекоммуникация және басқару» кафедрасы 1962 жылы құрылды және «Химия-технологиялық процестерді автоматтандыру және кешенді механикаландыру» деп аталды. Бірінші меңгерушісі техника ғылымдарының докторы, профессор Ким Лен Зу Валерий Андреевич болса, кейін кафедраны т.ғ.к., доцент В.П.Морозов басқарды. Одан кейінгі жылдары кафедраны Мақажанов Б.Т., Оспанова А.О., Есенов Е.Қ., Авдеев В.Г., Инков А.М., Тапалов Т.Т., Исмаилов С.У. басқарды. Қазіргі уақытта кафедра меңгерушісі т.ғ.к., доцент Мұсабеков Ахметбек Ахылбекұлы болып табылады.

Кафедраның профессорлық-оқытушылық құрамы 25 адамнан тұрады, оның ішінде 2 ғылым докторы, профессор, 10 ғылым кандидаты, доцент және 8 магистрант бар. Кафедра мамандар дайындауды мынадай бағыттарда жүзеге асырады:

• бакалаврлар: 6В07110 – «Автоматтандыру және басқару» және 6В06210 – «Радиотехника, электроника және телекоммуникациялар» білім беру бағдарламалары бойынша;
• 7М07110 – «Автоматтандыру және басқару» оқу бағдарламасы бойынша магистрлер.

2021 жылы кафедрада 8D07110 – «Автоматтандыру, басқару және деректерді цифрлық өңдеу жүйелері» білім беру бағдарламасы бойынша докторантура ашылды.

Бүгінгі таңда «Автоматтандыру, телекоммуникациялар және басқару» кафедрасы университеттегі табысты дамып келе жатқан кафедралардың бірі болып табылады. Кафедрада танымал Siemens және Festo фирмаларының компьютерлерімен және жабдықтарымен жабдықталған мамандандырылған оқу және ғылыми зертханалар, студенттер мен магистранттардың оқу үдерісінде және ғылыми-зерттеу жұмыстарында қолданылатын IT-орталық зертханасы бар.

Кафедраны әр жылдары бітірген түлектер қатарында жоғары оқу орындарының ректорлары болып Сәбден О.С., Ахметов И.С., Есенов Е.Қ. және Қозыбақов М.Ж. жұмыс істеген. Кәсіпорындар мен фабрикалардың бірінші басшылары: Суворов А.С., Клименко А.И., Ақкузов М.К., Ешенқұлов Қ.Т., бас метрологтар: Зубко А.Р., Елисанов А.А., Бочаров В.И., Черепанов А.Я. бар. Жоғары білім саласында. т.ғ.д. Пляцук Л.Д., т.ғ.д. Ескендіров Ш.З, т.ғ.д. Оспанова А.О., т.ғ.д. Ху Вэн Цен, т.ғ.д. Мұсабекова Л.М. жұмыс істеді.

Автоматтандырудың заманауи перспективалық бағыты бойынша алған білімдері көптеген түлектерге жұмысқа орналасуға және банк құрылымдарында, Ішкі істер министрлігінде, Ұлттық қауіпсіздік комитетінде, қорғаныс кәсіпорындарында, радио және теледидарда және т.б. табысты жұмыс істеуге мүмкіндік берді.

Кафедрадағы оқу процесінің инновациялық элементі - дуальды оқыту бойынша студенттер «РКОР» ЖШС, «Қазақтелеком» АҚ, «Связьмонтажстрой» ЖШС, «ҚазТрансОйл» АҚ сияқты өңірдегі жетекші кәсіпорындар базасында оқиды.

Өткен жылдарда академиялық ұтқырлық Вильнюс техникалық университетімен (Литва), Сеул техникалық университетімен (Корея Республикасы), Люблин техникалық университетімен (Польша) жүзеге асырылды. Академиялық ұтқырлық бойынша кафедрада қазіргі уақытта Хемниц технологиялық университетінде (Германия) студент Мадалиұлы Қ. оқып жатыр.

«АТжБ» кафедрасы көптеген университеттермен және ғылыми-зерттеу институттарымен белсенді ынтымақтастықта, мысалы: Дәукеев атындағы АЭжБУ, Гумилев атындағы ЕҰУ, Бауман атындағы МГТУ, (Ресей); Нижний Новгород мемлекеттік техникалық университеті, (Ресей); Өзбекстан Республикасы Ғылым академиясының Физика-техникалық институты; Heilbronn қолданбалы ғылым университеті, (Германия); Юньнань университеті, Куньмин, (Қытай) жұмыс істейді.

РЭТ мамандығының студенттері ТОО "Связьмонтажстрой" және "Қазақтелеком" АҚ мекемесінде тәжірибе өтуде.

1) Оқыту бағдарламасы:

В063  –  Электротехника және автоматтандыру

Мамандық:

6В07110  -  АВТОМАТТАНДЫРУ ЖӘНЕ БАСҚАРУ

Таңдау пәндері:

Толық оқу  – Математика, Физика

Қысқартылған оқу – Математика, Өндірістегі автомат-тандырылған технологиялық процесстер

2) Оқыту бағдарламасы:

 В059 –  Коммуникациялар және коммуникациялық технологиялар

Мамандық:

6В06210 - РАДИОТЕХНИКА, ЭЛЕКТРОНИКА ЖӘНЕ  ТЕЛЕКОММУНИКАЦИЯЛАР

Таңдау пәндері:

Толық оқу – математика, физика

Қысқартылған оқу - физика, электроника және схемо-техника негіздері

Республиканың Оңтүстік аймақтарында келесі мамандықтар жеткіліксіз, себебі ақпараттарды және мәліметтерді жіберу, өңдеу жүйелерімен және компьютерлік техникалармен қамтамасыздандырылған мекемелер, өндіріс пен шағын кәсіпорындар жоғары жылдамдықпен өсіп жатыр.

6В07110  -  АВТОМАТТАНДЫРУ ЖӘНЕ БАСҚАРУ

– автоматтандырылған басқару жүйелері және өндірістерді басқару жүйелерін ақпараттандыру мамандарын дайындайды;

– эксплуатация, жөндеу, баптау, кешендер мен автоматтандыру жүйелерін жобалау кәсіпорындарында, бақылау-өлшеу құралдары мен микропроцессорлік техникамен қызмет атқаратын автоматтандыру инженер және бағдарламалық қатамасыздандыру мамандығын дайындайды.

6В06210 - РАДИОТЕХНИКА, ЭЛЕКТРОНИКА ЖӘНЕ                    ТЕЛЕКОММУНИКАЦИЯЛАР

- радиотехника, автоматтандырылған байланыс, кең профильді мобильді байланыс инженері; электронды жүйелерде қызмет көрсететін электронщик; телекоммуникация (телефон және радио байланыс, теледидар) салаларында жұмыс істейтін маман.

Мамандықтар аккредиттелген – АСИИН Германиялық агенттігі.

Евролейблді меңгерген мамандықтар – евроинженер.

Екі диплом бойынша тәжірибеден өту және шетелде білім алу  мүмкіндіктері – Ресей, АҚШ, Европа жоғарғы оқу орындарында.

Осы мамандықтарда оқитын студенттер төмендегідей мамандықтарынан, мысалыға: электроника, есептеу мен микропроцессорлік техника, программалармен ақпараттарды дербес компьютерлерде автоматты түрде ақпараттарды  өңдеу, жасанды интеллект жүйесі мен басқару, робототехника, автоматты жобалау, техникалық кибернетикадағы автоматты электржетегі, автоматты жобалау жүйелерінде, электр қондырғыларын жөндеу орындарында, процестерді басқару үшін керекті өлшеу құралдарымен басқару машиналарына керекті программалар жазу мен жөндеуде қызмет жасауда.

Қазіргі заманғы ақпараттық қамтамасыз ету және компьютерлендіру бағытында қалыптасқан білімдер, кафедра түлектері Қазақстан әскери күштері, ҰҚК, ІІБ, МАИ, телефон байланысы, радио және теледидар жүйелерінде, банк құрылымдарында, жеке кәсіпорындарында, көлік саласында және компьютерлік, өлшеу, тұрмыстық техникаларын, телерадио аппаратурасын жабдықтау, сату, қызмет және жөндеу мен талшықты – оптикалық байланыс желілерін пайдалану және т.б. салаларда жұмысқа орналасып, саналы жұмыс жасауға мүмкіншілік береді.

АТжБ кафедра мекен–жайы:

Шымкент қ, Тауке-Хан даңғылы  5, Г - корпусы, 3 этаж,

Телефон 30-14-12

 
Кәсіптік бағдар беру жұмысына жауапты

Ерданқұлов А.

Байланыс нөмері: 8708-703-10-10