Жаңалықтар

4.11.2021 «Техникалық мамандықтар бойынша шет тілі» кафедрасы №2 студенттік жатақханасында ҚР Тәуелсіздігінің 30 жылдығына орай «Әлем таныған - Әуезов» атты тәрбие сағаты  өтілді.  Іс-шараға тәрбие ісі және жастар саясаты департаменті директорының орынбасары Исмайлова М.Е., кафедра меңгерушісі Мақұлбек А.Б., кафедра оқытушылары мен жатақхана студенттері қатысты.

Тәрбие сағатының негізгі мақсаты –студенттерге әлем мойындаған Әуезовтің ұлылығына тағзым ету, жас ұрпақтың бойына көрнекті жазушыға деген терең құрмет сезімін, елге, әдебиетке деген сүйіспеншілігін ояту мақсатында ақпараттық-танымдық мәліметтер беруге негізделді. Тәрбие сағатында «Алаш» және «Сарыарқа» топтары арасында интеллектуалдық сайыс ұйымдастырылды. Іс-шара нәтижесінде «Сарыарқа» тобы жеңіске жетіп, белсенді студенттер мақтау қағаздарымен марапатталды.