Жаңалықтар
Түркістан облысы, Ордабасы ауданының «Төрткөл» елді мекенінде «Бәйдібек Төлепбаев» ЖББОМ, Ордабасы ауданының «Қызылжар» елді мекенінде «Қызылжар» ЖББОМ мектептерінде мектеп бітіруші түлектермен «Кәсіби бағдар-2021» іс- шарасы аясында М.Ауезов атындағы ОҚУ-де дайындалатын мамандықтар туралы кездесулер ұйымдастырылып, түсіндірме жұмыстары жүргізілді. Кездесуде «Ақпараттық коммуникациялық технологиялар» кафедрасының аға оқытушысы М.М.Амиров мектеп бітірушілерге болашақ мамандық таңдауда, жоғары оқу орнын таңдаудың ерекшеліктері, студенттік өмір, жатақхана, студенттік ғылыми бағыттар, өнер, спорт, кітапхана, интернет желісі, әскери мамандық және т.б. жөнінде толық мағлұматтар берді. Оқушылардың сұрақтарына жауаптар беріліп, мамандық таңдаудың ерекшеліктеріне де толық түсініктемелер берді. Мектеп ұжымы мен оқушылары кездесу нәтижелеріне ризашылықтарын білдірді.
