2016 жылдың желтоқсан айының 4 мен 7 аралығында Алматы Энергетика және Байланыс институты «Самұрық» компаниясымен бірлесе отырып, энергетика саласындағы студенттер арасында ғылыми-практикалық олимпиада өткізді. Бұл олимпиадаға Қазақстанның барлық аймақтарынан болашақ энергетиктер жиналды. Біздің университеттен аға оқытушы Ильясова Карлығаштың жетекшілігімен бес студент барды. Олимпиада нәтижесі бойынша: ИП-14-4р тобының студенті Құрбанқұлов Бюнед 300 000 тенгелік сыйақымен марапатталды, ал басқалары сертификат алды. Командалық есепте ОҚМУ екінші орынға ие болды. Біз студенттеріміздің осындай жетістіктерін мақтан етеміз.
